Út er komin hjá Veröld ljóðabókin Innsævi eftir Ferdinand Jónsson. Innsævi inniheldur 37 öguð og fáguð ljóð en Ferdinand hefur fengist við ljóðagerð í rúm tuttugu ár. Ljóðin bera þess merki að höfundurinn yrkir úr fjarlægð en hann hefur um langt árabil starfað sem geðlæknir í miðborg Lundúna þar sem hann vinnur með heimilislausum í einu fátækasta hverfi borgarinnar.

Sænski kósíkrimminn Kaffi og rán eftir Catharinu Ingelman-Sundberg hefur heldur betur slegið í gegn. Bókin rauk beint í fjórða sæti metsölulista Eymundssonar í vikunni, auk þess að vera þriðja mest selda kilja vikunnar.

Finnur Thorlacius bílablaðamaður og Sigurjón Ragnar ljósmyndari gera nú mikla leit að dýrgripum í flokki fornbíla Íslendinga. Ætlunin er að gera þeim verðug skil í sannkallaðri glæsibók sem kemur út hjá Veröld í haust. Óhætt er að segja að ákall þeirra til íslenskra fornbílaeigenda hafi vakið gríðarlega athygli því að pósthólf sem stofnað var í þessum tilgangi fylltist á augabragði og varð þegar að stækka það um allnokkrar bíllengdir.

Veröld hefur gefið út sænska kósíkrimmann Kaffi og rán eftir Catharinu Ingelman-Sundberg. Fimm vistmenn á elliheimili hafa fengið sig fullsadda af nísku og forræðishyggju stjórnenda heimilisins. Þegar þau átta sig á því að föngum er boðið upp á mun betri vist í fangelsum ákveða þau að fremja glæp til að komast á bak við lás og slá.

Veröld hefur gefið út bókina Örugg tjáning eftir Sigríði Arnardóttur, Sirrý. Öll þurfum við í einkalífi og starfi að tjá okkur við ókunnuga, stundum jafnvel heilu hópana. Og allir finna einhvern tíma til óöryggis og sviðsskrekks. Þessi bók hjálpar lesandanum að vinna bug á því og öðlast öryggi og færni í samskiptum.

Metsölubókin Kuldi eftir Yrsu Sigurðardóttur er nú komin út í kilju. Hún var fyrst gefin út í innbundnu formi fyrir síðustu jól og hlaut mikið lof gagnrýnenda. Nú þegar hefur verið samið um kvikmyndaréttinn á sögunni.

Brakið eftir Yrsu Sigurðardóttur kom nýlega út í Noregi og stökk beint í 14. sæti norska metsölulistans. Þarlendir gagnrýnendur haf a lokið á hana miklu lofsorði. Þeir segja að sagan sé „óhugnanlega heillandi“, hún er „hröð og spennandi“ og tveir ritdómarar taka fram að þeir myndu afþakka tilboð um skútusiglingu til Íslands. Brakið kom út árið 2011 á íslensku og varð söluhæsta bók ársins hér á landi. Hún hefst á því að mannlaus skúta siglir inn Reykjavíkur höfn ...

Sex kíló á sex vikum er mest selda bók vikunnar, samkvæmt metsölulista Eymundssonar sem birtur er í dag. Það er því ljóst að bók sænsku næringjarráðgjafanna og matgæðinganna Ulriku Davidsson og Ola Lauritzon fellur Íslendingum vel í geð. Í þessari alþjóðlegu metsölubók er að finna snjalla áætlun fyrir 42 daga, uppskriftir að ómótstæðilegum en um leið heilsusamlegum réttum og ábendingum af ýmsu tagi svo að aukakílóin hverfa hratt og örugglega.

Út er komin hjá Veröld matreiðslubókin Sex kíló á sex vikum eftir sænsku næringarráðgjafana og matgæðingana Ulriku Davidsson og Ola Lauritzon. Í þessari alþjóðlegu metsölubók er að finna snjalla áætlun fyrir 42 daga, uppskriftir að ómótstæðilegum en um leið heilsusamlegum réttum og ábendingum af ýmsu tagi svo að aukakílóin hverfa hratt og örugglega.

Sigurjón Sighvatsson kvikmyndaframleiðandi hefur tryggt sér réttinn á nýrri spennusögu Yrsu Sigurðardóttur, Kulda, sem kom út nú fyrir helgina. Kuldi er sjálfstæður tryllir í anda verðlaunabókar Yrsu, Ég man þig, sem Sigurjón hefur þegar keypt réttinn á og fer myndin í tökur á næsta ári. Kuldi er að mati Sigurjóns jafnvel enn sterkari og áhrifameiri en Ég man þig.