Bók Eiríks Bergmanns, Sjálfstæð þjóð - trylltur skríll og landráðalýður, hefur vakið mikla athygli og mjög verið í umræðunni manna á meðal. Umsagnir hafa verið afar jákvæðar, Jón Baldvin Hannibalsson gaf henni fjórar stjörnur í Fréttatímanum, Jóhann Hauksson sömuleiðis í DV, en kannski dregur Freyr Eyjólfsson, dagskárgerðarmaður á Rás 2, viðbrögðin best saman í þessum orðum: „Framúrskarandi greining á íslenskum stjórnmálum og helstu átakamálum lýðveldissögunnar.“ Í þessari stórfróðlegu bók fjallar Eiríkur Bergmann um það hvernig þjóðernishugmyndir hafa sett mark sitt á umræður um samskipti Íslands við önnur ríki, allt frá inngöngunni í NATO til átakanna um IceSave og aðild að Evrópusambandinu. meira >

Yrsa Sigurðardóttir hlýtur í ár Blóðdropann, glæpasagnaverðlaun Hins íslenska glæpafélags, fyrir bók sína Ég man þig. Þetta er í fimmta sinn sem Blóðdropinn er afhentur en upplýst var um niðurstöðu dómnefndar í gær. Þar með er ljóst að Ég man þig verður framlag Íslands til Norrænu glæpasagnaverðlaunanna, Glerlykilsins en meðal þeirra sem hlotið hafa þau eftirsóttu verðlaun eru Henning Mankell, Jo Nesbö, Stieg Larsson og Arnaldur Indriðason.

 

Í umsögn dómnefndar  sagði meðal annars að í verðlaunabókinni Ég man þig sýni Yrsa að hún sé fullfær um að leika sér með glæpasöguformið; nýta sér það á skapandi hátt en ekki sem formúlu en helsti kostur bókarinnar sé að hún nái að gera það sem allar góðar glæpa- og spennusögur geri: Að halda lesandanum í heljargreipum allt fram á síðustu blaðsíðu.

meira >

Út er komin hjá Veröld seinna bindi Pálssögu eftir Ólaf Jóhann Sigurðsson með lokahluta þríleiksins, Drekum og smáfuglum. Pálssaga er að mati Arnaldar Indriðasonar "eitt af meistaraverkum 20. aldarinnar." Skáldverk Ólafs Jóhanns Sigurðssonar um Pál Jónsson blaðamann er stórbrotið uppgjör við mestu átakatíma síðustu aldar á Íslandi, hernámið og eftirstríðsárin. Áður eru komnir fyrri tveir hlutar verksins í einu bindi, Gangvirkið og Seiður og hélog. Ólafur Jóhann Sigurðsson (1918–1988) var einn af helstu stílsnillingum síns tíma og fer á kostum í Pálssögu. Persónurnar endurspegla margslungið andrúmsloftið í samfélaginu og eru í senn skoplegar og tragískar. Ólafur Jóhann hlaut bókmenntaverðlaun Norðurlandaráðs árið 1976, fyrstur Íslendinga.

meira >

Bandaríska risaforlagið Macmillan hefur tryggt sér réttinn á tveimur metsölubókum Yrsu Sigurðardóttur, Auðninni og Ég man þig. Auðnin kom upphaflega út á Íslandi árið 2008 og hefur nú þegar farið víða, m.a. var hún bók vikunnar í Spiegel þegar hún kom út í Þýskalandi árið 2009. Ég man þig kom út fyrir síðustu jól og hefur verið þaulsetin á metsölulistum hér á landi allt frá útgáfudegi. Sigurjón Sighvatsson hefur tryggt sér kvikmyndaréttinn á bókinni en hún er einnig væntanleg á markað í Englandi, í hinum þýskumælandi heimi, Portúgal og víðar.  Bandaríkjamarkaður er lítt opinn fyrir erlendum rithöfundum og því eru þetta mikil gleðitíðindi, ekki síst að Macmillan skuli hafa keypt réttinn á Ég man þig sem er ekki hluti af seríunni um Þóru Guðmundsdóttur lögmann heldur draugasaga frá Hesteyri í Jökulfjörðum.

Á liðnu hausti festi Macmillan kaup á Ösku sem er væntanleg á markað á þessu ári.

Yrsa tekur um þessar mundir þátt í Crimefest, mikilli glæpsagnahátíð í Englandi þar sem fjöldi rithöfunda – einkum breskra – stígur á stokk. Þar kemur hún tvisvar fram í pallborði í dag, föstudag.

 

meira >

"Það skal sagt hér strax að efniviður bókarinnar er þarfur, áhugaverður og settur fram á aðgengilegan hátt af höfundi," segir Jóhann Hauksson, blaðamaður á DV, um bók Eiríks Bergmann Sjálfstæð þjóð - Trylltur skríll og landráðalýður, sem út kom á dögunum hjá Veröld, og gefur henni fjórar stjörnur. Í bókinni fjallar Eiríkur um það hvernig íslenskt þjóðerni og viðhorf til sjálfstæðis og fullveldis hafa allt frá lýðveldisstofnun einkennt umræður – og deilur – um samband Íslands við aðrar þjóðir, jafnframt því að spyrja: En hvernig skynjum við okkur sem þjóð? Og hvernig hefur það haft áhrif á samskipti okkar við umheiminn? Dóminn má lesa í heild sinni hér.
meira >

Í tilefni af mikilli velgengni Yrsu Sigurðardóttur heima og erlendis hefur Veröld gefið út þrjár nýjar útgáfur af glæpasögum Yrsu í kilju og taka þær mið af útliti þeirra ytra. Þannig eru Sér grefur gröf og Auðnin unnar út frá sömu myndum og hugsun og í Bretlandi en Ragnar Helgi Ólafsson, sem hannað hefur kápur á allar glæpasögur Yrsu, sló í nýja kápu fyrir Horfðu á mig. Þess má geta að hönnun Ragnars Helga fyrir bækur Yrsu hefur farið víða, allt frá Grikklandi til Suður-Ameríku með viðkomu á Norðurlöndunum og Spáni. Sér grefur gröf hefur komið út víða um lönd, hún hefur meðal annars verið tilnefnd til alþjóðlegra glæpasagnaverðlauna og var valin ein besta glæpasaga ársins í Bretlandi árið 2009. Auðnin er væntanleg á markað í Englandi nú í sumar en hún var valin bók vikunnar í Spiegel þegar hún kom út í Þýskalandi. meira >

Íslenskt þjóðerni og viðhorf til sjálfstæðis og fullveldis hafa allt frá lýðveldisstofnun einkennt umræður – og deilur – um samband Íslands við aðrar þjóðir. En hvernig skynjum við okkur sem þjóð? Og hvernig hefur það haft áhrif á samskipti okkar við umheiminn? Þetta eru lykilspurningarnar sem Eiríkur Bergmann fæst við í nýrri bók sinni, Sjálfstæð þjóð - Trylltur skríll og landráðalýður, sem fer í verslanir á morgun, fimmtudag. Útgáfu bókarinnar verður síðan fagnað í Eymundsson, Skólavörðustíg, á föstudaginn kl. 17.Bókin hefur þegar vakið mikla athygli, ekki síst eftir fróðlegt samtal þeirra Eiríks og Egils Helgasonar í Silfrinu síðastliðinn sunnudag. Þá var hann í viðtali á Bylgjunni í morgun

 

Í stórfróðlegri bók sinni fjallar Eiríkur Bergmann um það hvernig þjóðernishugmyndir hafa sett mark sitt á umræður um samskipti Íslands við önnur ríki, allt frá inngöngunni í NATO til átakanna um IceSave og aðild að Evrópusambandinu.

meira >

Á morgun, fimmtudaginn 28. apríl kl. 17.00, verður haldinn útgáfufagnaður í Eymundsson, Skólavörðustíg, í tilefni af því að þá kemur út ljóðabókin Mávur ekki maður eftir Ásdísi Óladóttur. Þetta er fyrsta verk Ásdísar sem kemur út hjá Veröld en hún á að baki nokkrar ljóðabækur sem hlotið hafa verðskuldað lof: "Ljóðin eru vönduð og fáguð," sagði í meðal annars í dómi Eiríks Arnar Norðdahl um bókina Einn en ekki tveir sem kom út fyrir nokkru. Fagnaðurinn er ölllum opinn og verður boðið upp á léttar veitingar. meira >

Á morgun, fimmtudaginn 28. apríl kl. 12.00, hefst Vorhreingerning útgefenda í Borgartúni 29. Þar verða á boðstólum þúsundir titla á frábæru verði, allt frá bókum ársins 2010 til eldri gersema. Þá verður metsöluspilið Enn meiri Popppunktur til sölu á ótrúlegu verði. Ný Popppunkts-sería fer í gang nú í sumar á Rúv og því er ekki seinna vænna að spreyta sig í þessum bráðskemmtilega leik.

 

Takmarkað magn er af ýmsum frábærum titlum - ekki síst barnabókum - og því rétt að drífa sig strax á staðinn. Lagerhreinsunin verður opin alla daga frá kl. 11-18 en opnar á fimmtudaginn 28. apríl.

meira >

Ég man þig eftir Yrsu Sigurðardóttur er mest selda bók vikunnar í Eymundsson, samkvæmt metsölulista keðjunnar sem birtur var fyrir stundu. Á réttri hillu eftir Árelíu Eydísi Guðmundsdóttur er í fyrsta sæti handbókalistans og þar rétt á eftir er Betri næring - betra líf eftir Kolbrúnu Björnsdóttur grasalækni en báðar eru þær á topp tíu yfir allar bækur. Menn hafa fagnað af minna tilefni og því drögum við út þrjá af póstlista Veraldar og geta þeir vitjað vinninga sinna í höfuðstöðvum forlagsins að Bræðraborgarstíg 9. Hinir heppnu eru:

hafsteinn@kopavogur.is fær Ég man þig eftir Yrsu Sigurðardóttur

gudest@ismennt.is fær Á réttri hillu eftir Árelíu Eydísi Guðmundsdóttur

joka101@internet.is hlýtur Betri næring - betra líf eftir Kolbrúnu Björnsdóttur

meira >