Ég man þig eftir Yrsu Sigurðardóttur er glæpsamlega spennandi, vel skrifuð og alíslensk spennusaga," segir í umsögn dómnefndar um bók Yrsu sem valin var besta glæpasaga ársins 2010 af Glæpafélagi Vestfjarða og hlaut hún Tindabikkjuna að launum. "Persónur bókarinnar eru það trúverðugar að dómnefndarfólk átti hálfpartinn von á að mæta þeim á næsta götuhorni. Umhverfið er bæði heillandi og raunverulegt auk þess að hentar söguefninu sérlega vel. Sagan fær kalt vatn til að renna á milli skinns og hörunds og dæmi voru um að fjölskyldumeðlimir dómnefndar væru vaktir upp um miðjar nætur, lesara til halds og trausts." Verðlaunin voru veitt föstudaginn 17. desember og hlaut Yrsa verðlaunagripinn Tindabikkjuna, sem myndlistakonan Marsibil Kristjánsdóttir hannaði, bókina Vestfirðir í máli og myndum eftir Hjálmar R. Bárðarson sem Eymundsson á Ísafirði gefur, auk tveggja kílóa af skötu í soðið.

meira >

Ég man þig eftir Yrsu Sigurðardóttur er næst mest selda bók landsins samkvæmt öllum metsölulistum. Stelpur eftir Kristínu og Þóru Tómasdóttur er mest selda barna- og unglingabók landsins og Þór - Leyndarmál guðanna kemur þar skammt á eftir. Ævisaga Guðrúnar Ögmundsdóttur er meðal söluhæstu ævisagna landsins. Þá er Snjóblinda eftir Ragnar Jónasson uppseld hjá forlaginu, Hringnum lokað eftir Michael Ridpath er langt komin, Nýja draumaráðningabókin eftir Símon Jón Jóhannsson er á myljandi siglingu og svo mætti lengi telja! Af þessu tilefni drögum við út fimm heppna af póstlista Veraldar sem geta komið á Bræðraborgarstíg 9 og fengið nýja bók að eigin vali. Þeir eru:

 

olafuraj@siminn.is

 

heimir@amotisol.is

 

ardism@talnet.is

 

ara@est.is

 

sigthg@visir.is

meira >

Síminn hjá Veröld stoppar ekki: Hvar fæst borðspilið vinsæla Fimbulfamb? Það er sem kunnugt er uppselt hjá útgáfunni en er enn til í verslunun og má þar nefna Spilavini, A4, Hagkaup, Elko, ýmsar verslanir Eymundssonar og víðar. Menn þurfa því ekki að örvænta en þó er vissara að hafa hraðar hendur - ef það á að skemmta sér um jólin! meira >

"Snjóblinda er vel skrifuð, persónusköpun til fyrirmyndar og bygging sögunnar gengur að mestu upp," segir Kristjón Kormákur Guðjónsson í dómi á Pressunni um glæpasögu Ragnars Jónassonar og gefur henni þrjár og hálfa stjörnu. Hann heldur áfram: "Hér er á ferð höfundur sem vert er að fylgjast með næstu árin. Fáir glæpasagnahöfundar hafa átt jafn sterka innkomu á íslenskan bókamarkað. Nú þegar er Ragnar farinn að hasla sér völl erlendis. Því ber að fagna, að það eru ekki aðeins turnarnir tveir, Yrsa og Arnaldur sem kunna listina að semja góða glæpasögu." Á birtist afar jákvæður dómur í tímaritinu Spássíunni, hefur fengið fjórar stjörnur á einum stað og er nú uppseld á lager. Ragnar Jónasson hefur því sannarlega komið sterkur inn á jólamarkaðinn í ár!

meira >

„Bókin fjallar um hrunið og atvik tengd því með áherslu á árið 2008 og fram til þess að ríkisstjórnin féll í lok janúar 2009. Atburðum er lýst innan frá af sjónarhóli eins af æðstu ráðamönnum stjórnkerfisins og forystumanns í flokki forsætisráðherra ríkisstjórnarinnar," segir Ólafur Ísleifsson, hagfræðingur og lektor við Háskólann í Reykjavík, í vefritinu Stjórnmál og stjórnsýsla um bókina Árni Matt - Frá bankahruni til byltingar eftir þá Þórhall Jósepsson. Hann heldur siðan áfram: "Hefur bókin að þessu leyti ótvírætt heimildargildi um atburði og viðhorf manns í fremstu röð í hruninu. Varnarrit Árna Mathiesen mun vafalaust eiga sitt pláss þegar sagan kveður upp dóm sinn um framgöngu ráðamanna þjóðarinnar á örlagatímum.“ Á dögunum gaf Egill Ólafsson, stjórnmálablaðamaður á Morgunblaðinu og sagnfræðingur, bókinni hálfa fjórðu stjörnu og sagði að hún gæfi "góða innsýn í það sem gekk á þegar bankarnir voru að falla, en er jafnframt ágætt yfirlit yfir atburðarásina." Það er því greinilegt að bók Árna og Þórhalls er ómissandi púsl í heildarmyndina sem þjóðin þarf að gera sér af hruninu. meira >

Snjóblinda er "hröð og heldur manni við efnið," segir Helga Birgisdóttir í tímaritinu Spássíu um Snjóblindu Ragnars Jónassonar. Dómur Helgu er afar jákvæður og í svipuðum anda og fyrri umsagna um hana. Hún hefur verið sögð framúrskarandi, fengið fjórar stjörnur, verið hælt fyrir fléttuna og þar fram eftir götum. Þýskir útgefendur bitust um útgáfuréttinn - og nú stefnir í að íslenskir lesendur verði að kljást um síðustu eintök bókarinnar því að hún er uppseld á lager og ekki næst að prenta nýtt upplag fyrir jól. 

meira >

Ég man þig eftir Yrsu Sigurðardóttur fær fimm stjörnur á Pressunni og gagnrýnendur eru á einu máli um að þetta sé besta bók hennar. Og er mest selda skáldverkið í Hagkaupum. Þór - Leyndarmál guðanna er lofuð í hástert, i bókinni Árni Matt - Frá bankahruni til byltingar er spennu haldið í frásögninni þótt lesandinn viti hvernig fari, stelpur bókstaflega verða að lesa Stelpur eftir Þóru og Kristínu Tómasdætur, að mati gagnrýnenda. Og ævisaga Guðrúnar Ögmundsdóttur gerir lesandann að betri manni. Það er því full ástæða til að gleðjast og draga út þrjá heppna af póstlista Veraldar sem fá nýja bók að eigin vali á Bræðraborgarstíg 9. Þeir eru:

 

svanurj@simnet.is

 

dianasarun@torg.is

 

arnis@d3.is

meira >

„Þór - Leyndarmál guðanna er einstaklega vel skrifuð, lifandi og skemmtileg og byggir á frábærri hugmynd," segir Ragnheiður Blöndal í umsögn sinni um bókina á Bókmenntavefnum. "Sagan um Þór er svo myndræn að heimur gömlu goðanna lifnar á ný með öllum sínum litríku kynjaverum. Í átökunum milli góðs og ills er það umfram allt samkennd og ábyrgð sem er drifkrafturinn í baráttunni við græðgi, öfund og illgirni. Þeirri baráttu ætlar seint að ljúka en það er önnur saga."

 

Áður hafa ýmsir lokið miklu lofsorði á bókina."Frásögnin er bæði hröð og myndræn," sagði Una Sighvatsdóttir í Morgunblaðinu og gaf bókinni hálfa fjórðu stjörnu. Hún bætti svo við: "bókin er mjög skemmtileg, sérstaklega þegar á líður og hasarinn verður stórbrotnari. Boðskapurinn sem kemur í ljós þegar undið er ofan af leyndarmáli guðanna er líka góður og á fullt erindi við unga sem aldna." Þá sagði að Hrafn Jökulsson í Viðskiptablaðinu á dögunum að Friðrik færi á kostum í bókinni.

meira >

"Ég man þig er að mínu mati besta bók Yrsu hingað til. Fyrsta flokks skáldverk sem ómögulegt er að leggja frá sér óklárað. Óhugnanlega spennandi bók sem á skilið fullt hús stiga," segir Jakob Hansen í umsögn um nýjustu skáldsögu Yrsu Sigurðardóttur á Pressunni og gefur henni fimm stjörnur. Hann segir að sagan sé "óhugnanlega spennandi" og bætir við: "Söguþráðurinn er þéttur og heldur lesandanum í heljargreipum allt til enda. Yrsa er þekkt fyrir frábærar spennusögur en Ég man þig er ekki eins og hefðbundin Yrsubók og er í raun hrollvekja af bestu sort. Yrsu tekst vel upp í, líkt og í öðrum bókum sínum, að skapa andrúmsloft dulúðar og ofboðslegrar spennu. Á köflum langaði mig helst til þess að loka bókinni og óska þess að ég hefði ekki asnast til að lesa hana svona í svartasta í skammdeginu." Greinina má lesa í heild sinni hér. Jakob bætist þar með í flokk þeirra gagnrýnenda sem telja að þetta sé besta bók Yrsu. meira >

Egill Ólafsson, stjórnmálablaðamaður á Morgunblaðinu og sagnfræðingur, gefur bókinni Árni Matt - Frá bankahruni til byltingar hálfa fjórðu stjörnu í dómi í Sunnudagsmogganum. "Árni M. Mathiesen stóð í storminum miðjum þegar íslensku bankarnir voru að falla," skrifar Egill og bætir við: "Kosturinn við ævisögu hans er að hún gefur góða innsýn í það sem gekk á þegar bankarnir voru að falla, en er jafnframt ágætt yfirlit yfir atburðarásina."

 

Egill tiltekur sérstaklega að Árni sé hófsamur í orðum og geri lítið af því að fella dóma í bókinni. "Hann getur þó ekki leynt vonbrigðum sínum með framgöngu stjórnenda Landsbankans og þá sérstaklega Björgólfs Thors Björgólfssonar. Hann hafi leynt stöðunni og ekki sagt satt." Síðan segir Egill: "Bók Árna er vissulega ákveðið varnarrit ... [en hún] er hins vegar ekki leiðinleg aflestrar. Þvert á móti tekst skrásetjara, Þórhalli Jósefssyni, að halda spennu í frásögninni, jafnvel þó að allir viti hvernig sagan endar." Hann hrósar reyndar Þórhalli sérstaklega, segir að hann sé"fær penni eftir áratuga reynslu í fjölmiðum. Honum ferst það verk vel úr hendi ða skrásetja sögu Árna."

 

meira >