"Bók fyrir forvitnar Stelpur! eftir systurnar Kristínu og Þóru Tómasdætur er verk sem allar unglingsstelpur ættu að hafa aðgang að," segir Björg Magnúsdóttir í umsögn sinni um bókina á Pressunni sem ber fyrirsögnina: "Stelpur! Þetta verðið þið allar að gjöra svo vel að lesa". Hún heldur síðan áfram: "Bókin er uppfull af nauðsynlegum fróðleik fyrir þær sem eru að feta sig í heimi þeirra sem eldri eru." Björg lýkur grein sinni með þessum orðum: "Það besta við Stelpur! er að hún er skrifuð á hispurslausan hátt og inniheldur öll þau nauðsynlegu tabú sem unglingsstelpur þurfa fyrr eða síður að fræðast um." Hún gefur bókinni fjórar stjörnur, rétt eins og Hólmfríður Gísladóttir í Morgunblaðinu á dögunum.

 

meira >

Ævisaga Guðrúnar Ögmundsdóttur "gerir mann að betri manni," segir Katrín S. Óladóttir, framkvæmdastjóri Hagvangs, sem er ekki amaleg umsögn! Þá segir Regína Ásvaldsdóttir að bókin sé full af "skemmtilegum frásögnum sem gefa innsýn í viðburðaríka ævi hjá yndislegri konu með stórt hjarta."

 

Guðrún Ögmundsdóttir á að baki litríka og dramatíska ævi; dóttir konu sem „fór heim án barns“ af fæðingardeildinni og ólst upp hjá kjörforeldrum, tók síðan sjálf barn í fóstur. Hún er holdgervingur ’68 kynslóðarinnar og fyrrverandi borgarfulltrúi og alþingismaður.

Guðrún sogaðist inn í hringiðu nýrra hugmynda á áttunda áratugnum – m.a. í Kaupmannahöfn, þar sem hún dvaldist lengi – en fann sína fjöl í kvenréttindabaráttunni, fyrst með rauðsokkum og síðar Kvennalistanum og sat í borgarstjórn fyrir hann. Hún var meðal stofnenda Samfylkingarinnar og sat á þingi fyrir flokkinn.

 

meira >

Metro-blaðið breska hefur valið átta glæpasögur sem það telur standa upp úr á árinu 2010. Þar er Aska Yrsu Sigurðardóttur tilgreind efst á blaði og fylgir stór mynd af höfundinum greininni. Það vekur athygli að þrír norrænir höfundar eru í hópi áttmenninganna en auk Yrsu eru það Håkan Nesser og Jo Nesbø. Greinarhöfundur segir um Ösku að þetta sé "hrollköld lesning sem verður enn áhrifaríkari með þéttu plotti, trúverðugum persónum og þurrum húmor Yrsu Sigurðardóttur". Greinina má sjá í heild sinni hér. meira >

Kolbrún Bergþórsdóttir fór mikinn í Kilju gærkvöldsins um Ég man þig eftir Yrsu Sigurðardóttur. "Hún keyrir þetta áfram af gríðarlegum krafti" og bætti við: "Ég er gríðarlega ánægð. Ég verð að taka undir með þeim sem segja að þetta sé besta bók Yrsu." Þá ranghvolfdi Páll Baldvin Baldvinsson í sér augunum og dæsti: "Erum við nú komin í hástigið eina ferðina enn." En Kolbrún lét það ekki slá sig út af laginu og hélt áfram að mæra hina miklu spennu bókarinnar, kvaðst hafa verið skelfingu lostin um tíma, sem er nú ekki slæmt þegar spennusaga á í hlut! meira >

Stelpur eftir Kristínu og Þóru Tómasdætur er mest selda barna- og unglingabókin samkvæmt metsölulista Eymundssonar sem birtur var í gær og sömuleiðis samkvæmt Bóksölulistanum sem mælir söluna í öllum verslunum. Velgengni bókarinnar ætlar þannig engan enda að taka. Fyrsta prentun er uppseld og önnur prentun er langt komin. Viðbúið er að bæta verði þriðja upplagi við áður en jólin ganga í garð. Morgunblaðið birti á dögunum fjögurra stjarna dóm um bókina eftir Hólmfríði Gísladóttur. Hún sagði að þetta væri góð og uppbyggileg bók og það gladdi hana sérstaklega hvað tilfinningum og samskiptum er gefið mikið svigrúm og fjallað á uppbyggilegan hátt um mikilvægi góðrar sjálfsmyndar og félagsskapar. Það er því óhætt að segja að Kristín og Þóra hafi slegið rækilega í gegn með sinni fyrstu bók sem örugglega verður ekki þeirra síðasta. Svo er bara að vona að þeim sé ekki kalt þarna á toppnum! meira >

Ég man þig eftir Yrsu Sigurðardóttur er mest selda skáldverk vikunnar, samkvæmt metsölulista Hagkaupa. Stelpur eftir Kristínu og Þóru Tómasdóttur fylgir fast á hæla Yrsu og situr í níunda sæti aðallista Hagkaupa. Yrsa hefur aldrei fengið aðrar eins viðtökur við nokkurri bók sinni hér á landi og Kristín og Þóra koma heldur betur sterkar inn með sinni fyrstu bók. Þar sem þetta er eins og í draumi höfum við ákveðið að draga út þrjá heppna af póstlista Veraldar sem fá glæsilegan bókavinning og geta þeir vitjað glaðningsins á Bræðraborgarstíg 9. Þeir eru:

 

fjolaae@internet.is fær Ég man þig eftir Yrsu Sigurðardóttur

 

katrin@mfa.is sem fær Stelpur

 

hbhjalt@simnet.is sem fær Nýju draumaráðningabókina

 

meira >

Ég man þig eftir Yrsu Sigurðardóttur er mest selda skáldverkið á metsölulista Hagkaupa dagana 29. nóvember til 5. desember. Þetta er í annað sinn á þessari vertíð sem Yrsa fer upp fyrir Arnald Indriðason á metsölulista en í síðustu viku var Ég man þig á toppnum hjá Bókabúð Máls og menningar. Hagkaup er ein stærsta verslanakeðja landsins og því sætir þetta miklum tíðindum og sýnir að vinsældir Yrsu, bæði heima og erlendis, fara stöðugt vaxandi. Stelpur eftir þær Kristínu og Þóru Tómasdætur er síðan í níunda sæti aðallista Hagkaupa. Þær gefa því ekkert eftir á lokaspretti jólasölunnar! meira >

Stelpur eftir Kristínu og Þóru Tómasdætur nýtur ómældra vinsælda um þessar mundir. Bókin situr í efsta sæti metsölulista Eymundssonar yfir barna- og unglingabækur og einnig á Bóksölulistanum sem mælir sölu í öllum verslunum. Kristín hefur verið eftirsótt í kynningar í félagsmiðstöðvum þar sem hún hefur sagt frá efni bókarinnar og svarað spurningum forvitinna stelpna. Morgunblaðið skenkti bókinni fjórar stjörnur á dögunum, hvorki meira né minna, og knattspyrnukonan Margrét Lára Viðarsdóttir sagði að þetta væri bók sem unglingsstúlkur mættu ekki láta framhjá sér fara. meira >

"Síðustu kaflarnir koma sannarlega á óvart. Virkilega gaman að sjá hvernig Ragnar hnýtir saman þessa gömlu þræði við þá nýju sem verið var að rannsaka … Framúrskarandi verk," segir hinn annálaði fjölmiðlamaður Gunnar Salvarsson á fésbókasíðu sinni um bók Ragnars Jónassonar, Snjóblindu, þá hina sömu og þýskir útgefendur bitust um fyrr í haust. Gunnar er ekki einn á báti í lofi sínu um Snjóblindu. Heiðrún Sveinsdóttir bóksali í Eymundsson gefur bókinni fjórar stjörnur, Guðríði Haraldsdóttur á Vikunni sagði að sagan væri spennandi, grípandi og héldi manni við efnið (og hvað þarf maður meira í spennusögur?), Páll Baldvin Baldvinsson sagði að fléttan væri prýðilega byggð og lesandanum væri komið á óvart í sögulok. Þá skrifaði Ingibjörg Rögnvaldsdóttir á bokmenntir.is að sagan væri lipurlega skrifuð og fléttan gengi fyllilega upp, Ragnar væri höfundur sem vert væri að fylgjast með.

 

Ragnar Jónasson hefur því yfir ýmsu að gleðjast nú fyrir jólin; samningi við risaforlag í Þýskalandi, frábærum dómum og ítrekaðri viðveru á metsölulistum!

meira >

Stelpur er mest selda barna- og unglingabók landsins, samkvæmt metsölulistas Eymundssonar og Bóksölulista Félags íslenskra bókaútgefenda. Ég man þig eftir Yrsu Sigurðardóttur fylgir Arnaldi eins og skugginn - nema þar sem hún skýst fram úr honum - og hefur aldrei farið betur af stað fyrir jólin. Þá er baráttan um Fimbulfambið að ná hámarki, tekist er á um þau spil sem komu á lager. Ekki er heldur leiðinlegt að sjá að bók Árna Mathiesen og Þórhalls Jósepssonar, Árni Matt - Frá bankahruni til byltingar hefur vakið verðskuldaða athygli. Menn hafa fagnað af minna tilefni og því drögum við út þrjá heppna af póstlista Veraldar sem fá vinning og geta þeir vitjað þeirra á Bræðraborgarstíg 9, Reykjavík. Þeir eru:

 

joi@toyota.is fær Ég man þig eftir Yrsu Sigurðardóttur

 

gsm@ismennt.is fær Stelpur eftir Kristínu og Þóru Tómasdætur

 

hbhjalt@simnet.is fær Fimbulfamb

meira >