"Sjálfsævisaga Hjálmars er skemmtileg aflestrar, vel skrifuð á fallegu og kjarnyrtu máli, vísurnar eru snilld og kaflaheitin smellin," segir Steinunn Inga Óttarsdóttir í Morgunblaðinu um Hjartslátt, ævisögu Hjálmars Jónssonar. "Hér er lýst farsælu lífi með gleði og sorgum, trú og þakklæti, húmorinn er mildur og mannbætandi." Steinunn Inga gaf bókinn hálfa fjórðu stjörnu. Þar með bætist hún í hóp þeirra gagnrýnenda sem lofað hafa bók Hjálmars. Hrafn Jökulsson sagði í Viðskiptablaðinu að Hjálmar væri "með skemmtilegri mönnum eins og endurminningar hans eru til vitnis um" og bætti síðan við: "Þá er hann pennafær í betra lagi, hjartahlýr og elskulegur, svo úr verður hin ágætasta bók." Gagnrýnandi Pressunnar, Hanna Brynhildur Jónsdóttir, sem gaf ævisögu séra Hjálmars fjórar stjörnur, hvorki meira né minna, og mælti hiklaust með bókinni við fólk á öllum aldri. Þá sagði Björn Bjarnason í Þjóðmálum að frásagnargáfa Hjálmars væri mikil og hún nyti sín vel í bókinni. Ævisaga Hjálmars er mest selda sjálfsævisaga þessarar vertíðar en fjórða prentun er nú komin í verslanir.

meira >

"Bókin er merkilegt verk, loksins loksins fáum við aðgang að nákvæmu og stilltu yfirliti um þennan mann þar sem á tókust mikið skap og mildi, gleði og harka eins og myndir hans bera svo glöggt vitni um í formum sínum og litaátökum," ritaði Páll Baldvin Baldvinsson í Fréttablaðinu á dögunum um stórvirkið Svavar Guðnason eftir Kristínu G. Guðnadóttur. Svavar er "okkar eini maður sem nær alþjóðlegu máli," að mati Páls Baldvins. Hann lýkur miklu lofsorði á bókina og segir að allur frágangur sé fyrsta flokks. Hann gaf bókinni fjórar stjörnur en áður hefur hann látið svo um mælt að þetta sé "tímamótaverk".

 

Einar Falur Ingólfsson var hins vegar ekki að skafa af því í Sunnudagsmogganum þá sömu helgi heldur gaf bókinni fimm stjörnur, hvorki meira né minna. Hann vitnaði í upphafi umsagnar sinnar í Reykjavíkurbréf Morgunblaðsins frá árinu 1984 í tilefni af 75 ára afmæli listamannsins en þar sagði: “Svavar er litameistari íslenskrar myndlistar ... Við eigum að leiða Svavar til hásætis. Ekki fyrir hann, heldur okkur.” Niðurstaða Einars Fals er óvtíræð: “Þetta er fallegt og vandað verk. Litríkur og margbreytilegur myndheimur Svavars fær hér umbúnað við hæfi. ... á aldarafmælinu hefur Svavar, “litameistari íslenskrar myndlistar”, verið leiddur til hásætis á verðugan hátt, fyrir okkur.”

meira >

Horfðu á mig eftir Yrsu Sigurðardóttur er þriðja mest selda bók vikunnar, samkvæmt metstölulista Morgunblaðsins sem birtur er í dag - og næst mest selda skáldsagan. Hjartsláttur séra Hjálmars Jónssonar er á miklu flugi um þessar mundir, fer úr tíunda sæti aðallistans upp í það sjötta og Týnda táknið eftir Dan Brown, sem Bjartur, stóri bróðir Veraldar gefur út, er í því áttunda. Bókaforlagið Bjartur & Veröld er þannig með þrjár af átta mest seldu bókum vikunnar, samkvæmt listanum. Á skáldsagnalista blaðsins eru þau systkini Bjartur og Veröld með hvorki meira né minna en fjórar af sex mest seldu bókunum. Horfðu á mig er í öðru sæti. Týnda táknið í fjórða, Harmur englanna eftir Jón Kalman í því fimmta og fast á hæla honum kemur Loftkastalinn sem hrundi eftir Stieg Larsson. Þannig lítur Veröld metsölulistans út í dag og er sannarlega Bjart yfir honum. meira >

Dóttir mæðra minna er "vafalaust ein áhugaverðasta íslenska skáldsagan þetta árið," segir Þormóður Dagsson, gagnrýnandi Morgunblaðsins, um Dóttur mæðra minna eftir Sindra Freysson og bætir við: "Höfundur hefur unnið mikið þrekvirki með þessari bók. Þetta er gríðarlega stór og mikil saga. Sindri kann að skrifa áhrifamikinn texta, byggja upp spennu og undirbúa magnþrungna atburði. Persónurnar eru margar hverjar mjög vel unnar, margræðar, einkum þó hin þýska kjörmóðir sem er hreint ekki öll þar sem hún er séð." Sagan ristir að mati Þormóðar djúpt og Sindri leysir úr læðingi magnþrungna atburði sem ná að fanga lesandann fram á síðustu blaðsíðu. Dómar um Dóttur mæðra minna hafa verið afar lofsamlegir.

meira >

Horfðu á mig eftir Yrsu Sigurðardóttur selst eins og heitar lummur og gagnrýnendur ausa hana lofi, Hjartsláttur séra Hjálmars er allsvakaleg metsölubók, Merkiskonur sögunnar fær frábæra dóma, Umsátrið eftir Styrmi Gunnarsson er rifið út og svona mætti lengi telja. Besta jólavertíð Veraldarsögunnar er senn að baki og af því tilefni drögum við út síðustu vinningshafana fyrir jól. Hinir heppnu, sem geta vitjað glaðnings síns á Bræðraborgarstíg 9, eru:

bibs@simnet.is fær Horfðu á mig eftir Yrsu Sigurðardóttur

siggab@simnet.is fær Merkiskonur sögunnar

dorakr@visir.is fær Hjartslátt séra Hjálmars Jónssonar

reynirto@btnet.is fær Umsátrið eftir Styrmi Gunnarsson

meira >

Hjálmar Jónsson upplýsir í Morgunblaðinu í dag að hann sé búinn að lesa upp úr bók sinni, Hjartslætti, og árita á 72 stöðum nú fyrir jólin. Viðbrögð lesenda hafa enda ekki látið á sér standa, þetta er mest selda sjálfsævisagan, samkvæmt metsölulistum. Þá hafa gagnrýnendur ausið bókina lofi, Hjálmar fékk fjórar stjörnur á Pressunni og Hrafn Jökulsson lýsti mikilli hrifningu sinni í Viðskiptablaðinu. Þriðja prentun kemur í verslanir í dag og sú fjórða er væntanleg á lager á föstudag. meira >

Horfðu á mig eftir Yrsu Sigurðardóttur situr í öðru sæti metsölulista Eymundssonar yfir skáldverk sem birtur var í gær og fylgir þar fast á hæla Svörtuloftum Arnaldar Indriðasonar. Þá er Horfðu á mig í áttunda sæti aðallista Eymundssonar. Þannig er ekkert lát á góðum fréttum af Yrsu; fyrr í vikunni útnefndi breska stórblaðið Independent Sér grefur gröf eina af bestu glæpasögum ársins þar í landi, Spiegel valdi Auðnina sem bók vikunnar og dómar um Horfðu á mig hafa verið afar lofsamlegir. Úlfhildur Dagsdóttir sagði að þetta væri "án efa besta bók Yrsu til þessa" og Katrín Jakobsdóttir menntamálaráðherra, sem brá sér í hlutverk gagnrýnanda á Eyjunni, tók í sama streng og svona mætti áfram telja. meira >

Það var með nokkrum efasemdum sem Hallfríður Þórarinsdóttir gagnrýnandi Kistunnar hóf lestur skáldsögu Bjarna Harðarsonar, Svo skal dansa. Hún "setti upp femínistagleraugun og um leið í handbremsu, „karl að skrifa um kúgun kvenna, já einmitt, sá er djarfur.“ Hér var eins gott að vera við öllu búin og standa vaktina vel." Eftir lestur bókarinnar kemst hún hins vegar að þeirri niðurstöðu að "Svo skal dansa er fantavel skrifuð bók, ég hreinlega drakk hana í mig, hafði mikla unun af lestri hennar. Það sem gerir bókina einstaklega safaríka er ekki síst málfarið og meistaraleg meðferð höfundar á tungutaki alþýðufólks.  Efasemdir mínar um hæfni karlhöfundar í að skrifa af sannfæringu og innsæi um undirokun kvenna eru að loknum lestri að engu orðnar. Ég er þegar farin að hlakka til næstu bókar Bjarna Harðarsonar."

meira >

"Ég fagna þessu riti og vil að það verði sett inn í man(n)kynsögukennslu í grunnskólum." segir Kristbjörg Kona Kristjánsdóttir í umsögn sinni um Merkiskonur sögunnar eftir Kolbrúnu S. Ingólfsdóttur á Miðjunni undir fyrirsögninni "Handa stelpum og strákum". Hún segir að bókin virki "best sem uppflettirit eða bók sem þú hefur á náttborðinu þínu í góðan tíma. Hver umfjöllum kveikir áhuga þinn á að vita meira um viðkomandi konu og þú staldrar við og leyfir ímyndunaraflinu að leika við upplýsingarnar. Þig langar strax að vita meira en örfár blaðsíður geta sagt þér. Ég fagna þessu riti og vil að það verði sett inn í man(n)kynsögukennslu í grunnskólum." meira >

Sér grefur gröf eftir Yrsu Sigurðardóttur er en besta glæpasagan á breskum bókamarkaði nú fyrir jólin og ný glæpasaga hennar, Horfðu á mig, er hennar besta bók að mati gagnrýnenda og lesendur rífa hana í sig. Hjartsláttur séra Hjálmars Jónssonar er á myljandi siglingu og Umsátrið eftir Styrmi Gunnarsson er ómissandi bók að mati gagnrýnanda Morgunblaðsins. Af því tilefni drögum við út þrjá af póstlista Veraldar og fá þeir bókarvinning sem þeir geta vitjað hjá okkur að Bræðraborgarstíg 9. Hinir heppnu eru með eftirtalin netföng:

 

hallahrund@gmail.com fær Horfðu á mig eftir Yrsu Sigurðardóttur.

edda@mfa.is fær Umsátrið eftir Styrmi Gunnarsso.

sigvaldib@simnet.is fær Hjartslátt eftir Hjálmar Jónsson.

 

meira >